Kristján Már Hauksson setur ráðstefnuna.

Mikko útskýrir það veigamikla hlutverk sem tækni og gervigreind gegna í sköpun og hvetja til nýsköpunar innan auglýsingageirans. Frábær innsýn inn í hvernig kraftar gervigreindar eru að endurskilgreina auglýsingageirann.

IKEA vinnur með gögn í víðara samhengi en einungis í leitarvélamarkaðssetningu. Gögn frá leit gefa sterklega til kynna hverju fólk hefur áhuga á og Ikea notar slík gögn í stefnumótun fyrirtækisins. Meðal annars í vöruþróun og þróun á markhópum (personas). Arnoldo mun kafa ofan í vegferð IKEA með notkun á gögnum og áhrif á mismunandi ákvörðunaraðila innan IKEA í heild.

Nick sviptir hulunni af því hvernig nýjasta tækni hefur áhrif á leitarvélabestun (SEO) og aðrar mikilvægar stafrænar leiðir. Hann mun fjalla um hvert SEO er að stefna og hvernig gervigreindartól hafa kraftmikil áhrif á sýnileika með SEO taktík. Hér getur þú lært milliliðalaust af einum öflugasta sérfræðingi veraldar, sem unnið hefur með mörgum af stærstu vörumerkjum heims, eins og Vodafone á heimsvísu. T.d. um það hvernig notkun á SEO leiðum skilar efni sem „er nær“ notandanum og þar að leiðandi hraðar kaupferli og auðveldar notandanum vegferðina. Aðferðir sem gefa þér forskot á samkeppnina.

Áhrifamikil vegferð Danny Sullivan er mögnuð en hann er fyrsti almannatengill (public liaison) fyrir Google leit og mun hann í erindi sínu fara yfir innsæi og lærdóm af dýrmætri reynslu sinni, sem spannar yfir tvo áratugi í leitarvélabransanum. Danny er meðstofnandi að ráðstefnunum Search Engine Land og SMX, og jafnframt stofnandi að Search Engine Watch og Search Engine Strategies. Danny hefur leikið veigamikið hlutverk í mótun leitarvélamarkaðssetningar á alheimsvísu, svo mjög að segja má að hann sé maðurinn á bak við hugtakið “search engine marketing”. Hann mun deila hagnýtum ráðum og innsæi og ausa úr viskubrunni sýnum um hvernig Google leit er í dag, þróun leitar og framtíðar „trend“. Þennan fyrirlestur má íslenskt markaðsfólk alls ekki láta framhjá sér fara.

Richard og Hreggviður ræða áhugaverð “case” og hvernig mismunandi rásir hafa áhrif á árangur markaðsherferða. Reiknaðu með að fá áþreifanleg sýnishorn og hugmyndir um hvernig fyrirtæki geta unnið með ABM markaðssetningu og þær markaðsrásir sem knýja fram árangur.

Aleyda Solis hefur talað fyrir vöruþríhyrningi (product triangle) og mikilvægu hlutverki hans í markaðsstrategíu. Sérstök áhersla er lögð á hegðunargögn frá leitarvélum sem styrkja þríhyrninginn. Fáðu djúpa innsýn inn í hvernig notkun á leitargögnum samhliða þremur stoðum vöruþróunar – tækni, notendur, fyrirtæki – getur hámarkað árangur og drifið áfram vöxt. Aleyda mun deila praktískum ráðum og innsæi í ferlið, sem ráðstefnugestir geta nýtt í eigin starfi.

Michael mun flytja rándýrt erindi um hvernig notkun á myndum og myndefni er að breytast um allan heim, en hann er fyrrverandi nýsköpunarstjóri hjá Shutterstock og núverandi þróunarstjóri á sviði efnis sem byggt er á gervigreind hjá Getty Images. Hann mun fara yfir hvernig gervigreind er að gjörbylta efnisnotkun um allan heim og hvernig fyrirtæki eru að þróa og þjálfa lausnir í tengslum við gerð markaðsefnis með hjálp gervigreindar. Fáðu dýrmæt ráð og innsæi í hvernig gervigreindarlausnir og ný tækni getur hjálpað þér með efni til markaðsstarfs. Michael finnst gaman að fá spurningar úr sal og oft eru erindi hans kröftugt samtal hans og ráðstefnugesta, þar sem hugmyndum er snúið á hvolf.

Í framhaldi af samtalinu við Michael munum við færa okkur yfir í hringborðsumræður um gervigreind og tækniframfarir í markaðsmálum.

Pallborðsumræður með fremstu sérfræðingum heims í markaðstækni og þátttaka úr sal. Hvernig hafa síðustu 20 ár verið og hvað getum við lært af þessum tíma? Hvað ber framtíðin í skauti sér og hvernig mun hinn stóri „leikbreytir“ gervigreind halda áfram að endurskilgreina leikreglurnar? Allir fyrirlesarar dagsins munu taka þátt, en jafnframt munu fyrirlesarar frá fyrri RIMC ráðstefnum bætast í hópinn og taka þátt í umræðum. Ráðstefnugestir eru hvattir til að spyrja spurninga og taka þátt.